नगरप्रमुखद्वारा विद्यालयलाई १० थान कम्प्युटर हस्तान्तरण

असार ५, सोलुखुम्बु । सोलुदुधकुण्ड नगरपालिका प्रमुख नाम्गेल जाङबु शेर्पाले चागेस्थान माध्यमिक विद्यालयलाई १० थान कम्प्युटर हस्तान्तरण गरेका छन् ।

नगरपालिकाको शिक्षालाई प्रविधि मैत्री बनाउने उद्देश्यले बिहीबार व्यक्तिगत रुपमा पाँच लाख बराबरको १० थान कम्प्युटर विद्यालयलाई हस्तान्तरण गरेका हुन् ।

नगरप्रमुख शेर्पाले प्रविधि मैत्री शिक्षा हुन आवश्यक रहेकाले अन्य विद्यालयलाई समेत सहयोग गर्ने प्रतिबद्धता व्यक्त गरे । विद्यालयमा कम्प्युटर प्राप्त गरेसँगै शिक्षण कार्य सहज हुने प्रधानाध्यापक रोहितकुमार कार्कीले बताए । रासस