मुग्लिन नारायणघाट सडकखण्ड अवरुद्ध

भदौ ९, चितवन । नारायणगढ–मुग्लिन सडकखण्डअन्तर्गत जलबिरेमा आज साँझ पहिरो खसेपछि सडक अवरुद्ध भएको छ । जिल्ला प्रहरी कार्यालय चितवनका अनुसार साँझ ५ः२० बजे पहिरो खसेपछि सडक अवरुद्ध भएको हो ।

पहिरो पन्छाउने काम शुरु भएको प्रहरीले जनाएको छ । सडक अबरुद्ध भएसँगै सवारीसाधन रोकिएका छन् । पहिरोले दुःख दिने गरेको यस सडकखण्डमा विगत १ महीनायता पहिरो खसेको थिएन । रासस