बढी कर नलगाउन राष्ट्रिय प्रजातन्त्र पार्टीको आग्रह

३१ साउन, काठमाडौं । राष्ट्रिय प्रजातन्त्र पार्टीको केन्द्रीय कार्यसम्पादन समितिको बैठकले पार्टीले निर्वाचन जितेको गाउँपालिका र उपमहानगरपालिकामा साविकको गाविस र नगरपालिकाले लगाएकोभन्दा बढी कर नलगाउन र लगाएको भए फिर्ता गर्न आग्रह गरेको छ ।

पार्टीका अध्यक्ष कमल थापाको अध्यक्षतामा बसेको बैठकले स्थानीय तह, प्रदेश र सङ्घीय सरकारबाट लगाइएका विभिन्न करले निश्चित आय भएका सर्वसाधारण जनतालाई जीविकोपार्जनमा कठिन भएको ठहर गर्दै अव्यवहारिक र जनतालाई कष्ट पर्ने कर तत्काल खारेज गर्न माग गरेको प्रवक्ता भुवन पाठकले जानकारी दिए ।

गएको स्थानीय निकायको निर्वाचनमा राप्रपाले चार वटा गाउँपालिका अध्यक्ष र एक नगरपालिका प्रमुखमा जीतेको थियो ।
रासस