भूमिका बढाउन स्थानीय तहसंग मुख्यमन्त्रीको आग्रह

२१ चैत, तुलसीपुर– दाङ ।
प्रदेश नं ५ का मुख्यमन्त्री शङ्कर पोखरेलले मुलुकको विकास र समृद्धिको जिम्मा स्थानीय तहमा आएकाले आफ्नो भूमिका बढाउन आग्रह गरेका छन् ।

तुलसीपुर उपमहानगरपालिकाको दोस्रो नगरसभाको उद्घाटन गर्दै मन्त्री पोखरेलले संविधानले स्थानीय तहलाई पूर्ण अधिकार दिएकाले आफ्नो भूमिका बढाएर जनताप्रति उत्तरदायी भएर काम गर्न जनप्रतिनिधिलाई आग्रह गरे ।

तुलसीपुर शहरलाई नमुना वस्तीका रुपमा विकास गर्न पनि उनले अनुरोध गरे ।
रासस